#PE-ARM-2026-CEB8

Ըստ հրապարակված փաստերի և լուսանկարների ապացույցների՝ հուշաքարի ճակատային մասում փակցվել է «Քաղաքացիական պայմանագիր» կուսակցության քարոզչական պաստառը և առանձին «16» համարանիշը, որը համապատասխանում է տվյալ ընտրություններում կուսակցության քվեարկության համարին։ Համայնքի բնակիչների վկայությամբ՝ տվյալ հուշաքարը ծառայում է որպես Հայոց ցեղասպանության զոհերի հիշատակի վայր, որտեղ ամեն տարի ապրիլի 24-ին բնակավայրի բնակիչներն ու հյուրերն իրականացնում են ծաղկադրումներ և հիշատակի սգո միջոցառումներ։ Տեղական բնակչության շրջանում դեպքն առաջացրել է խորը դժգոհություն և բարոյական վրդովմունք, ինչից հետո պաստառը հապշտապ հեռացվել է հուշաքարի վրայից։