#PE-ARM-2026-70C8

Հայաստանի հանրային առաջին հեռուստաալիքով նախընտրական քարոզարշավի շրջանակներում կուսակցությունների ներկայացուցիչների մասնակցությամբ անցկացված բանավեճի ընթացքում, իմ դիտարկմամբ, նկատվել է ակնհայտ անհավասար վերաբերմունք ՀՀ Ազգային ժողովի նախագահ Ալեն Սիմոնյանի նկատմամբ։ Մասնավորապես, խոսքի համար սահմանված ժամանակի ավարտից հետո նրա բարձրախոսը հաճախ անջատվում էր ուշացումով կամ որոշ դեպքերում անջատվելուց անմիջապես հետո կրկին միացվում էր, ինչը նրան հնարավորություն էր տալիս շարունակել ելույթը սահմանված ժամանակից ավելի։ Նմանատիպ իրավիճակներ արձանագրվել են նաև հարցերին պատասխանելու համար հատկացված ժամանակի կառավարման ընթացքում, երբ ժամանակային սահմանափակումների կիրառումը բոլոր մասնակիցների նկատմամբ հավասարաչափ չի իրականացվել։ Այս հանգամանքները կարող են կասկածի տակ դնել բանավեճի կազմակերպման ընթացքում հավասար հնարավորությունների և անաչառության սկզբունքների լիարժեք ապահովումը։