#PE-ARM-2026-622F

«Արդար Քվե» դիտորդական առաքելությունը ահազանգ է ստացել Նոր Նորքի 8-րդ զանգվածից, ըստ որի՝ մի խումբ անձինք, ներկայանալով Տիգրան Ավինյանի անունից գործող ներկայացուցիչներ, բնակարան առ բնակարան իրականացնում են ճնշում և քարոզչություն՝ հօգուտ «Քաղաքացիական պայմանագիր» կուսակցության։ Ըստ ահազանգի՝ ▪️ մուտք են գործում բնակարաններ, ▪️ պահանջում աջակցություն հայտնել ՔՊ-ին, ▪️ չեն հեռանում մինչև «դրական պատասխան» չստանան, ▪️ վռնդվելուց հետո վերադառնում են այլ անձանց հետ, ▪️ քաղաքացիներին սպառնում են 200.000 դրամ տուգանքով՝ բնակարանների մուտքերի մոտ աղբի առկայության պատճառաբանությամբ։ ❗️Եթե այս տեղեկությունները հաստատվեն, ապա առկա են մի շարք հնարավոր ընտրախախտումներ և իրավական խնդիրներ․ 📌 Ընտրողի ազատ կամարտահայտման վրա ճնշում 📌 Վախի և սպառնալիքի միջոցով քարոզչություն 📌 Վարչական ռեսուրսի հնարավոր չարաշահում 📌 Քաղաքացու անձնական և բնակարանային անձեռնմխելիության խախտման տարրեր ՀՀ Սահմանադրությամբ և Ընտրական օրենսգրքով երաշխավորվում է յուրաքանչյուր քաղաքացու ազատ և առանց ճնշման ընտրության իրավունքը։ 📢 Կոչ ենք անում իրավապահ մարմիններին անհապաղ ուսումնասիրել ահազանգը, իսկ քաղաքացիներին՝ նման դեպքերի մասին հայտնել և տեսագրել հնարավոր խախտումները։