#PE-ARM-2026-EBA2

«Քաղաքացիական պայմանագիր» կուսակցության օգտին քվեարկությունը վերահսկելի դարձնելու նպատակով Սիսիանի կոմունալ բաժնի պետ, ակտիվ ՔՊ-ական Դավիթ Մարգարյանի նախաձեռնությամբ կոմունալ ծառայության շուրջ 43 աշխատակիցների ընտրատեղամասերը Սիսիանից տեղափոխվել են Լոր գյուղի միջնակարգ դպրոցում տեղակայված ընտրատեղամաս։ Ըստ տեղեկությունների՝ որոշ աշխատակիցների հայտնել են, թե կազմակերպվում է «էքսկուրսիա», որի ընթացքում նրանք նաև պետք է կատարեն իրենց քվեարկությունը։ Հատկանշական է, որ նույն ընտրատեղամասի հանձնաժողովի նախագահը հանդիսանում է հենց Դավիթ Մարգարյանը, ինչը հաստատվում է ՀՀ կենտրոնական ընտրական հանձնաժողովի պաշտոնական կայքով։ Նկարագրված հանգամանքները ողջամիտ կասկածներ են առաջացնում ընտրողների ազատ կամարտահայտության, քվեարկության գաղտնիության և վարչական ռեսուրսի հնարավոր օգտագործման վերաբերյալ։ Պետական կամ համայնքային համակարգի աշխատակիցների ընտրատեղամասերի կազմակերպված տեղափոխումը այն ընտրատեղամաս, որտեղ հանձնաժողովը ղեկավարում է նրանց անմիջական կամ ազդեցիկ վերադաս անձը, կարող է ստեղծել վերահսկվող քվեարկության, հոգեբանական ճնշման կամ ծառայողական կախվածության մթնոլորտ։ https://ishkhanutyun.am/hy/article/2026/06/04/3246