#PE-ARM-2026-6366

Երևանի քաղաքապետի առաջին տեղակալ Արմեն Փամբուխչյանը, որը տվյալ ժամանակահատվածում պաշտոնապես կատարում է քաղաքապետի պարտականությունները, իր պաշտոնական սոցիալական էջերում հրապարակել է ՔՊ կուսակցության քարոզարշավին վերաբերող նյութեր և ոչ աշխատանքային օրերին անձամբ մասնակցել նախընտրական միջոցառումներին։ Պաշտոնեական և քաղաքական գործունեության սահմանները հստակ տարանջատված չեն ներկայացվում, քանի որ նույն հարթակներում զուգակցվում են վարչական լիազորություններից բխող հաղորդագրություններն ու կուսակցական քարոզչությունը։ Բացի այդ, քարոզչական հրապարակումներում տեղ են գտել նաև երեխաների հետ լուսանկարներ, ինչը կարող է գնահատվել որպես անչափահասների ներգրավում քաղաքական և քարոզչական միջավայրում։